Bitzen

Dir kënnt Kleeder déi e Lach hunn oder deenen e Knapp fehlt (am beschten den oder een Knapp mattbréngen) an de Repair Café mattbréngen, fir eis Equip iech weisen kann wéi dir esou Reparaturen selwer kënnt maachen. Et ass keng Hexerei! 🙂

Repair Café – Iwwerbléck

Hei en Iwwerbléck vun den Experten am Repair Café a waat si matt iech zesummen

Elektrotechnikelektrech Geräter z.B. e Kabel dee futti ass …
Informatikinformatech Problemer z.B. wann de Computer
Fehlermeldungen weist, oder sech soss queesch stellt …
Mécanique a Schlässermechanech Problemer, z.B. eppes waat nët méi op oder
zou geht, mechanech Geräter …
Holzarbechtenbei Holzobjet’en eppes bäiflécken, oofschläifen,
oder ersetzen waat oofgebrach ass …
Velo1. Hëllef fir de Velo wann d’Pneuen quietschen, schleefen,
gewiesselt oder gefléckt musse ginn …
BitzenKleng Lächer flécken, e Knapp ubitzen,…

Upcycling-Schwamm: Tawashi

Aus engem aalen Puer Strëmp kann ee en nohaltegen, wäschbaren Schwamm fir d’Spull bastlen. Um DIY-Festival kënnt dir selwer erausfannen wéi et geht.

Bréngt e Puer matt op de Festival wann dir viirwëtzeg op d’Iddi an d’Technik sidd.

Wäschmëttel aus Efeu

Wousst dir datt dir matt Efeu en Universal-Wäschmëttel hiirstellen kënnt? Efeu enthält seefenähnlech Wiirkstoffer (Saponine) vun deenen dir iwwert d’ganzt Joër profitéiren kënnt fir äer Kleeder propper ze haalen. An et ass méi einfach wéi gemengt… En Sonnden kënnt dir erausfannen wéi!

Bréngt e Glas matt Deckel matt fir es direkt matt Heem ze huelen

Atelier – Schlicht a Schéin

COOPERATIONS ART bréngt iech Këschten gefëllt matt Alldaagsgeéigestänn. Mir entdecken dës Géigestänn iwwert eng spillerech Art a Weis nei an notzen se duerno fir kleng Wonnerwierker ze gestalten.

Et geht em Entdeckerfreed, Spaas um Spill an Gestalten, experimentéiren, improviséiren an natierlech den Austausch matt Aaneren.

Upcycling matt Stempelen

Äer Napp huet et Fleck dee nët méi erausgeht? Den T-Shirt huet eemol Bulli zevill oofkritt? Bréngt se matt, well an dësem Atelier léiert dir, wéi der Stoff, Lieder oder Pabeier matt Stempelen nei gestalten kënnt!

‘EAT YOUR LANDSCAPE’

Den Naturpark Öewersauer invitéiert iech op en spannenden kollektiven Atelier zum Thema “Culinary Design”: matt Liewensmëttel déi an de Buttiker net méi verkaaf gi sen, kënnen d’Leit artistesch Biller zum Thema Fiischtgebidder kreéieren, déi dann tëscht 10:00 – 15:00 Auer fotograféiert ginn.

Duerno geht et un de d’Schmaachen an et ginn mat dësen Liewensmëttel Zopp a Smoothies gemaach.

http://www.naturpark-sure.lu/

Atelier Klimbim

Dëse Schreinerei-Workshop vum Atelier Klimbim (CIGR Wiltz Plus) weist iech wéi dir kleng Beschiedegungen un äeren Holzmiwwel selwer an einfach reparéiren kënnt. Dir kritt gewisen wéi dir matt Primer, Kallék, Ueleg an Lasuren iech selwer hëllefen kënnt oder och wéi dir selwer eng Holziwwerfläch doheem oofschläifen kënnt.

Dir kënnt klenger beschiedegt Holzarbechten (zB déi eng Téitsch hunn) mattbréngen an direkt op der Plaaz gewisen kréien wéi dir iech drëm këmmeren kënnt.

https://www.cigrwiltz.lu/projets/klimbim/

Seedbombs

‘Seedbombs’, daat sinn Bullen voller Liewen. Se ginn aus Äerd, Toun a Wasser, an natierlech matt Geseems gerullt. Dono dierfen se e puer Deeg drëchnen an dann haalen se sech iwwert de Wanter fir am Fréijoër dobäussen op enger villäicht soss méi traureger Plaaz e Grapp voll Wëllblummen wuessen ze loossen! D’Natur a besonnech d’Insekten wäerten iech Merci soen.

Dir kënnt eidel Ëerkëschten an oofgerullten Toiletterouleau’en mattbréngen fir als Verpaakung faarweg ze gestalten an dono d’Seedbombs matt heem ze huelen.

Wëllkraider

Kachen mat Wëllkraider:
Gutt fir Klima, Gaart, Gesondheet an de Portmonnaie!
Infostand mam Valie an Coby mat Bicher, Planzen, Info, an eppes fir ze schmaachen!
Alles iwwer an mat Wëllkraider.